انا اكتشفت ان ايامى فى الدنيا معدودة

انا اكتشفت ان ايامى فى الدنيا معدودة

انا اكتشفت ان ايامى فى الدنيا معدودة للاسف دى الحقيقة

مش حقيقة خاصة بيا انا بس "....هى خاصة بينا كلنا بس مش واخديين بالنا منها للاسف .

الحقيقة دى ان كل واحد و ليه عمر و العمر دة عبارة عن ايام و بتعدى و ليها عدد محدد سواء كثر ام قل هذا العدد و لكنه محدد و معدود

الحقيقة التانية اننا مبنحسش بالحكاية دى و بنبقى فاكريين ان لسه بدرى و ان الموت دة حاجة بعيدة و ان ما بعد الموت دة اساطير و قصص بعيدة الوقت.

الحقيقة التالتة ان الكلام دة غلط و ان القصص دى ممكن تبقى واقع مفاجئ نعيشه بكل تفاصيله و احنا مش حاسيين "اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ ".

الدليل على كدة شوفى كدة اى حد تعرفيه مات و تخيلى معايا هو بيشوف اية دلوقتى ؟
اللى مات دة خلاص ....عدد ايامة خلص ...بح ...مفيش تانى .

زى النتيجة و احنا بنشيل ورقها لغاية ما السنة تخلص متلاقيش فيها ورق ......اهو عمرنا هو النتجة و هى مليانة نفضل نقلل منه ورقة ورا ورقة يعنى يوم ورا يوم لغاية ما يخلص و تقولى فى الاخر يااااااااااااااااه السنة دى جرييت هوا ...بالظبط كدة هنقول نفس الكلام
"قَالَ كَمْ لَبِثْتُمْ فِي الأَرْضِ عَدَدَ سِنِينَ * قَالُوا لَبِثْنَا يَوْمًا أَوْ بَعْضَ يَوْمٍ فَاسْأَلِ الْعَادِّينَ * قَالَ إِنْ لَبِثْتُمْ إِلا قَلِيلا لَوْ أَنَّكُمْ كُنْتُمْ تَعْلَمُونَ"
"يوم يدعوكم فتستجيبون بحمده وتظنون إن لبثتم إلا قليلا".

متاخديش الكلام دة انه قصص
الكلام دة هنقولة و نعيشه بكل لحظاتة ....هنقول اننا مبقلناش كتير و ان عمرنا جرى هواااااااااا

طيب نيجى بقى للمشكلة الكبيرة و هى و بعدين ؟؟؟
بعد ما نقول و نكتشف ان عمرنا و نحس بالواقع دة فعلا خلص اية الوضع و الاحساس ؟

طبيعى هنفتكر حياتنا السابقة بكل ما فيها من اخطاء و صواب
تخيلى معايا فرحتك بالاعمال الصالحة هوباااااو تخيلى معايا بردة زعلك على الذنوب اللى مالهاش لازمة مخاصماكي و تخيلى معايا برضة حسررررررررررتك على الوقت اللى راح من غير ما تعملى فيه ما يفيدك اليوم
هنكتشف ساعتها شئ مهم جدا و هى ان اللى فاتت دى مكانتش حياتنا اصلا !!!!
" يَا لَيْتَنِي قَدَّمْتُ لِحَيَاتِي"
دة لسان المقال ساعتها .....حاسة بالحسرة ؟؟؟
حاسة ان كل اللى فات بحلاوتة و مرارتة راح خلاص و نستيه ؟
حاسة اد اية خسرنا لما فرطنا فى الحياة الحقيقية علشان حياة زائفة ؟
حاسة بقيمة اللحظة اللى بنسيبها تعدى و لا نلقى لها بالا ؟؟
حاسة بقيمة الطاعات اللى بنؤدى منها قدر بسيط على عجل دون ان نشعر بالقيمة الحقيقية لها ؟؟

عاجبك الاحساس دة
اوحش احساس هو دة ......

خلاص مفيش امل نرجع تانى و مفيش امل نزود الحسنات و مفيش امل نقلل الذنوب .

خلاص ....مكاااااااااانك كما انتى .

انا اكتشفت ان ايامى فى الدنيا معدودة !!!!

طيب خلاص حسينا بالاحساس البشع دة و اكتبئنا و كله تمام ؟؟

فوقى بقى و ابتسمى فلازال هناك امل لانك لازلت حيه ...شايفة كرم ربنا عليكى بقى
لازال امامك فرصة ....اوعى تكونى برضة هتضيعيها !!!
غيرك دلوقتى دة حاله (رب ارجعني لعلي أعمل صالحاً ) بيتمنى يرجع بس يقول سبحان الله مرررررررررة واحدة .....يصلى الوتر ركعة واحدة ......يعيط من خشية الله دمعه واحدة .....يتصدق .....يستغفر مرة واحدة ......و لكن زى ما قلنا و عيشنا خلاص مفيش امل ...ايامة خلصت خلاص العدد كان محدود و معدود و خلص .

قال الله تعالى :

(وَأَنْفِقُوا مِنْ مَا رَزَقْنَاكُمْ مِنْ قَبْلِ أَنْ يَأْتِيَ أَحَدَكُمُ الْمَوْتُ فَيَقُولَ رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ. وَلَنْ يُؤَخِّرَ اللَّهُ نَفْساً إِذَا جَاءَ أَجَلُهَا وَاللَّهُ خَبِيرٌ بِمَا تَعْمَلُونَ)
(المنافقون:10-11).


وقال الله تعالى:
(حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ. لَعَلِّي أَعْمَلُ صَالِحاً فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ).
(المؤمنون: 99-100)



لكن انتى الحمد لله ربنا انعم عليكى بعدد لسه باقى فى ايامك ....لسة النتيجة فيها ورق ..بس خدى بالك اننا منعرفش عدد الورق ممكن يكون خلاص قرب يخلص و مهما كتر فهو برضة هيخهلص و ييجرى كمان ..

يبقى المطلوب مننا اية ؟

" بادروا بالأعمال الصالحة".


" اغتنم خمسا قبل خمس: شبابك قبل هرمك، وصحتك قبل سقمك، وغناك قبل فقرك، وفراغك قبل شغلك، وحياتك قبل موتك".


اننا نعمر حياتنا دى اللى احنا مش واخديين بالنا منها و سايبنها خرابة !

احساسك اية و انتى رايحة بيت جديد ؟
مش بتقعدى تشترى و تجملى و تظبطى و هكذا ؟

طيب ركزى بقى فى حياتك الاخرى دى كانها بيتك اللى انتى رايحاه تحبى يكون فيه اية ؟
يكون عامل ازاى ؟
تلاقى فيه اية ؟

متستخسريش فيه .....هاتى و اشترى دة كله ببلاش من غير فلوس !!
هما شوية طاعات لربنا اللى بيحبك و يكرمك و بيديكى اضعااااااااااااااف ما بتدى انتى ..

عارفة لو قبل اى طاعة افتكرتى الاية دى و افتكرتى ميزانك و هو بيتقل مش هتبطلى تعملى طاعات و هتحسى بحلاوة ما بعدها حلاوة فى العمل

و الاحساس الاحلى بقى بعد لما الورق يخلص و نفتكر الورق اللى مراحش هدر و استفدنا منه بجد

اللهم اقبضنا اليك على طاعه وانت راض عنا